"Kanal D" televiziyasının Türkiyənin meqastarı Tarkan Tevetoğluna yeni il buraxılışında iştirak etmək üçün yüksək məbləğdə qonorar təklif etdiyi üzə çıxıb. 
Sonxeber.pro bizim.media-ya istinadən xəbər verir ki, sənətçinin bu təklifə müsbət cavab vermək üçün nə az nə çox düz 14 milyon lirə (təxminən 1,3 milyon manat) istədiyi iddia edilib. 
Lakin "Kanal D" "sərvət" dəyərində qonorar istəyən Tarkanla hələ ki razılaşmayıb. 
Qeyd edək ki, Tarkan yeni ildə Kiprdəki bir oteldə çıxışından 18 milyon lirə (təxminən 1 milyon 646 min manat) qonorar alacaq. 

Mənbə: https://news.milli.az/showbiz/1090112.html