SON DƏQİQƏ: Sülhməramlıların İTV-nin jurnalistinə qarşı ÖZBAŞINALIĞI - VİDEO Xəbər verdiyimiz kimi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və "AzerGold" Qapalı Səhmdar Cəmiyyətinin əməkdaşlarından ibarət təbii ehtiyatların qanunsuz istismarını araşdıracaq monitorinq qrupu dekabrın 3-də keçirilmiş görüşün davamı olaraq, bu gün Rusiya sülhməramlı qüvvələrinin komandanlığı ilə müzakirələri davam etdirəcək. Monitorinq qrupunun Rusiya sülhməramlı kontingentinin komandanı, general-mayor Andrey Volkovla danışıqları sülhməramlıların Xocalıdakı qərargahında baş tutacaq. Lakin təəssüf ki, sözügedən müzakirələri media nümayəndələri izləyə bilməyəcək. Çünki ərazidə olan sülhməramlılar azərbaycanlı jurnalistlərin Xocalıya keçməsinə maneə yaradıb. İctimai Televiziya (İTV) əməkdaşları israrla əraziyə keçməyə cəhd etsələr də, sühməramlılar onları əraziyə buraxmayıblar.
Sonxeber.pro xəbər verir ki, bu barədə İTV-nin Şuşaya ezam olunmuş xüsusi müxbiri hazırladığı süjetdə xəbər verir.

Mənbə: https://big.az/488936-son-deqiqe-sulhmeramlilarin-itv-nin-jurnalistine-qarsi-ozbasinaligi-video.html