Bakıda "Qarabağ" və Almaniyanın "Frayburq" komandaları arasında keçiriləcək UEFA Avropa Liqasının qrup mərhələsinin 6-cı tur oyunu üçün biletlər satışa çıxarılıb.
Sonxeber.pro klubun saytına istinadən xəbər verir ki, biletlərin qiyməti müvafiq olaraq 5, 20, 30, 75 və 100 manat təşkil edir.
Biletləri Tofiq Bəhramov adına Respublika stadionun kassalarından (11:00-dan 20:00-dək), "iticket.az"-ın satış məntəqələrindən ("iticket.az"-da onlayn satış), Park Bulvardakı "Qarabağ" FK-nın fan-şopundan (11:00-dan 20:00-dək), eləcə də "28 mall" və "Gənclik mall" ticarət mərkəzlərindən (11:00-22:00) əldə etmək mümkündür.
Noyabrın 3-də oynanılacaq "Qarabağ" - "Frayburq" qarşılaşması saat 21:45-də başlayacaq.

Mənbə: https://news.milli.az/sport/1081361.html